“Лион” ярим ҳимоячиси Малик Фофананинг трансферига “Челси” ва “Ливерпуль” қизиқиш билдирмоқда, деб хабар беради Goal.

Манбанинг хабарига кўра, иккала клуб ҳам 20 ёшли белгиялик футболчи учун аллақачон таклифлар билан чиққан. Лига 2'га тушиб кетганидан сўнг, "Лион" молиявий кўрсаткичларини барқарорлаштириш учун футболчиларни сотиши кутилмоқда. Аввалроқ "Рома" Фофана билан қизиқаётган эди.

Фофана 2024/25 йилги мавсумда “Лион” сафида 41 та ўйинда майдонга тушиб, 11 та гол урди ва 6 та голли узатмани амалга оширди. Унинг шартномаси 2028 йилнинг 30 июнига қадар амал қилади.