Лондоннинг "Арсенал" клуби ёзги трансфер ойнасида Габриел Мартинелли билан хайрлашмоқчи эмас.
24 ёшли футболчига "Бавария" қизиқмоқда. Журналист Жеймс Бенгенинг фикрича, "канонирлар" бразилияликни сотмоқчи эмас. Ҳар бир футболчининг ўзига яраша баҳоси бор, аммо Лондон клуби фойдали таклиф тушса ҳам вингерни сотиш заруратини кўрмаяпти.
Манбага кўра, Мартинеллининг ўзи фаолиятининг ҳозирги босқичида Саудия Арабистонига кўчиб ўтиш ниятида эмас. Машҳур Transfermarkt портали экспертлари унинг нархини 55 миллион еврога баҳоламоқда.













