Габриэль Мартинелли "Бавария" ва "Ан-Наср" эътиборида бўлмоқда.

CBS Sports хабарига кўра, "Арсенал" ҳужумнинг чап қанотида ўйнайдиган янги футболчи сотиб олишни мақсад қилган, аммо Мартинеллини сотмоқчи эмас.

24 ёшли бразилиялик футболчига "Бавария" қизиқиш билдирмоқда. Манбага кўра, "Ан-Наср" Мартинеллининг номзодини клуб ичида муҳокама қилган, аммо расмий таклиф билан чиқмаган ва ҳозирда уни тайёрламаяпти.

Футболчининг ўзига яқин манбаларнинг таъкидлашича, у фаолиятининг ҳозирги босқичида Саудия Арабистонига кўчиб ўтиш ҳақида ўйламаяпти. Габриэль ЖЧ-2026да Бразилия терма жамоасидан ўрин олишни мақсад қилган.

Мартинеллининг "Арсенал" билан шартномаси 2027 йилгача мўлжалланган бўлиб, уни яна бир йилга узайтириш имконияти мавжуд.

АПЛнинг ўтган мавсумида вингер 33 та ўйинда майдонга тушиб, 8 та гол урди ва 4 та голли узатмани амалга оширди.