Мадриднинг "Атлетико" клуби "Вильярреал" ярим ҳимоячиси Алекс Баэна билан шартнома имзолаганини эълон қилди. 23 ёшли футболчининг трансфери чоршанба куни расман тасдиқланди.
"Мен жуда бахтлиман. Мен Испания ва Европанинг энг яхши клубларидан бирига ўтдим, бу мен учун катта қувонч. Хулиан Альварес ва айниқса, Антуан Гризманн билан ўйнашни интиқлик билан кутяпман, ахир у жаҳон юлдузи, футболда ўрнак бўладиган инсон. "Атлетико" ва унинг қадриятлари менга жуда мос келади, деб ҳисоблайман. Менга ҳар доим бу стадионда ўйнаш ёқарди," - деди Баэна.
Испания терма жамоаси футболчисининг трансфери "Атлетико"га 45 млн еврога тушган. Ҳужумкор ярим ҳимоячи мадридликлар билан 2030 йилгача мўлжалланган шартномага имзо чекди.
