"Барселона" ярим ҳимоячиси Марк Касадо фаолиятини Англия Премьер-лигасида давом эттириши мумкин.
21 ёшли футболчи трансфер бозорида жиддий талабга эга, асосий даъвогар эса "Челси" экани айтилмоқда. Diario Sport хабарига кўра, "Барселона" Касадони сотиш имкониятини кўриб чиқишга тайёр, чунки жамоада ярим ҳимоячилар жуда кўп деб ҳисобламоқда.
Каталония гранди истиқболли тарбияланувчисини сотишдан камида 30 млн евро ишлаб олмоқчи.
Испанияликнинг "Барса" билан амалдаги шартномаси 2028 йилнинг ярмигача мўлжалланган.













