"Реал" клуби янги бош мураббийи Карло Анчелотти Мадриддаги илк таассуротлари билан ўртоқлашди. Бу ҳақда клуб расмий твиттери шундай ёзади.
"Реал"ни бошқаряпман, орзуимга эришдим. Менинг бу ерда бўлиб турганим учун қилган саъй-ҳаракатлари учун Президент Флорентино Перес ва унинг ёрдамчиларига катта миннатдорчилик билдираман.
"Жаҳоннинг энг нуфузли клубида эканлигимдан хурсандман. Яқин кунларда жамоани қандай кучайтириш ҳақида бош қотиришни бошлаймиз.
Доимгидек ўзим ишлаган клубда футболчилар билан яхши алоқалар ўрнатиб олмоқчиман.
Зидан мураббийлар штабида менга ёрдам беради. Ягона муаммо шуки, унинг ўзи ўйнай олмайди", дейди Анчелотти бугун бўлиб ўтган тақдимот маросими доирасидаги матбуот анжуманида.