Инсайдер Николо Скиранинг хабар беришича, "Наполи" ҳужумчиси Жакомо Распадорига икки жамоа қизиқиш билдирмоқда.
Манбанинг хабарига кўра, 25 ёшли форвардга "Аталанта" ва "Марсель" қизиқиш билдирмоқда.
Футболчига Франция клуби бош мураббийи Роберто Де Дзерби томонидан қизиқиш борлиги ҳақида шу йилнинг февраль ойида хабар берилган эди. Италиялик мутахассис форвард билан "Сассуоло"да бирга ишлаган.
Ўтган мавсумда у клуб миқёсида 29 та ўйинда майдонга тушиб, 6 та гол урди ва 2 та голли узатмани амалга оширди.
