Бразилиянинг "Флуминенсе" клуби бош мураббийи Ренато Гаучо клублар ўртасидаги жаҳон чемпионатининг чорак финалида жамоасининг ғалабаси ҳақида фикр билдирди. Саудия Арабистонининг “Ал-Ҳилол” жамоасига қарши кечган баҳс 2:1 ҳисобида якунланди.
"Мен ўйин жуда қийин бўлишини билардим. Жуда кескин, жуда қизғин ўйнадик. Мен ўз жамоамни "Интер"га қарши ўйнаган ўйинга тайёрладим. Учрашувнинг боришини назорат қилдик, кейин гол ўтказиб юбордик, аммо футболчиларнинг муносабати ва фидойилиги бу босқичдан ўтишимизга имкон берди", - дея Гаучонинг сўзларини келтиради ФИФА расмий сайти.
“Флуминенсе”нинг навбатдаги рақиби Бразилиянинг “Палмейрас” ва Англиянинг “Челси” жамоалари ўртасидаги қарама-қаршиликда аниқланади.
