"Барселона"нинг Нико Уильямсга маош бўйича таклифи "Атлетик"никидан пастроқ эди.
Кеча баск клуби каталонияликлар даъвогарлик қилаётган 22 ёшли вингер билан келишувни 2035 йилгача узайтирганини эълон қилди.
Аввалроқ Уильямснинг янги шартнома бўйича маоши солиқлар тўлангандан кейин йилига 10 млн евродан кўпроқни ташкил этиши хабар қилинганди. The Athletic нашри ушбу суммани тасдиқлади ва Никонинг клуб тарихидаги энг кўп маош олувчи футболчига айланишини қўшимча қилди.
Қайд этилишича, "Барселона" футболчига 10 млндан камроқ (8 млн атрофида) маош таклиф қилган.
Қайд этилишича, "Атлетик" тўловлар борасида қулайроқ шароитда. Басклар мамлакатида, хусусан, пойтахти Бильбао бўлган Бискайя провинциясида футболчиларнинг маошларини солиққа тортишнинг алоҳида қоидалари амал қилади. Спортчиларга нисбатан пасайтирилган ставка қўлланилади, чунки маҳаллий ҳукумат уларнинг иш стажи бошқа ҳар қандай доимий ишчига қараганда камроқ деб ҳисоблайди.
