Миланнинг "Интер" клуби ярим ҳимоячиси Хакан Чалханўғли "Галатасарой"га ўтишга яқин турибди.
31 ёшли футболчининг турк клубига ўтиши ҳақидаги миш-мишлар июнь ойи бошидаёқ тарқалганди, энди эса музокаралар янада жадаллашди. Инсайдер Фабрицио Романонинг хабар беришича, "Галатасарой" "Интер" билан хавбек масаласида расмий музокараларни бошлаган. Футболчининг ўзи ҳам истанбулликларга оғзаки розилик билан жавоб қайтарган.
Хакан Чалханўғли 2021 йилнинг ёзидан бери "нерадзуррилар" шарафини ҳимоя қилиб келмоқда. Амалдаги шартномаси 2027 йилгача мўлжалланган туркнинг Transfermarkt портали мутахассислари томонидан 30 млн еврога баҳоланмоқда.













