Қанот ҳимоячиси Кайл Уокер "Манчестер Сити"дан "Бёрнли"га ўтганидан олган таассуротлари билан ўртоқлашди.
Бугун, 5 июль куни "Бёрнли" матбуот хизмати футболчи билан шартнома имзоланганини расман эълон қилди.
"Бёрнли"га ўтганимдан жуда хурсандман. Яна майдонга тушиб, ўйнаш имкониятини интизорлик билан кутяпман. Ушбу трансферни амалга оширишга ёрдам берган барчага раҳмат. Олға, қизиллар," - деб ёзди Уокер ижтимоий тармоқдаги саҳифасида.
35 ёшли ҳимоячи "Бёрнли" билан икки йиллик меҳнат шартномасини имзолади. Эслатиб ўтамиз, жамоа ўтган мавсум якунларига кўра Чемпионшипдан Англия Премьер-лигасига кўтарилган эди.
