Qanot himoyachisi Kayl Uoker "Manchester Siti"dan "Byornli"ga o‘tganidan olgan taassurotlari bilan o‘rtoqlashdi.
Bugun, 5 iyul kuni "Byornli" matbuot xizmati futbolchi bilan shartnoma imzolanganini rasman e’lon qildi.
"Byornli"ga o‘tganimdan juda xursandman. Yana maydonga tushib, o‘ynash imkoniyatini intizorlik bilan kutyapman. Ushbu transferni amalga oshirishga yordam bergan barchaga rahmat. Olg‘a, qizillar," - deb yozdi Uoker ijtimoiy tarmoqdagi sahifasida.
35 yoshli himoyachi "Byornli" bilan ikki yillik mehnat shartnomasini imzoladi. Eslatib o‘tamiz, jamoa o‘tgan mavsum yakunlariga ko‘ra Chempionshipdan Angliya Premyer-ligasiga ko‘tarilgan edi.













