"ПСЖ" клублар ўртасидаги жаҳон чемпионати ярим финалига йўл олди. Шанба оқшомида Луис Энрике жамоаси "Бавария"ни 2:0 ҳисобида мағлуб этди. Голларга Дезире Дуэ ва Усмон Дембеле муаллифлик қилди. Қизиғи, иккинчи голни парижликлар 9 киши бўлиб уришди.
Учрашувнинг сўнгги дақиқаларида "ПСЖ" ҳимоячилари Виллиан Пачо ва Люка Эрнандес қизил карточка олишди. Шу тариқа, Пачо ва Эрнандес ярим финални ўтказиб юборади.
Эслатиб ўтамиз, клублар ўртасидаги жаҳон чемпионати ярим финалида "ПСЖ" "Реал" - "Боруссия" Дортмунд учрашуви ғолибига қарши баҳс олиб боради. Ўйин 9 июль, чоршанба куни бўлиб ўтади ва Тошкент вақти билан 00:00 да бошланади.













