Миланнинг "Интер" клуби ҳужумчиси Анж-Йоан Бонни жамоа бош мураббийи Кристиан Киву ҳақида қандай фикрда эканини айтди.
"Нерадзуррилар" 21 ёшли футболчи билан шартнома имзолаганини шанба куни расман эълон қилди. Аввалроқ, француз "Парма"да ўйнаган, у ерда ўтган мавсумда Киву билан ишлашга муваффақ бўлган.
"Мураббий "Парма"да ўтказган уч ой давомида менга ва бутун жамоага катта ёрдам берди. У ҳақиқатан ҳам яхши одам ва менга ишонишини кўрсатди. У билан бу ерда яна учрашиб, биргаликдаги йўлни давом эттиришдан мамнунман," - дея Боннининг сўзларини келтиради "Интер" матбуот хизмати.
