Клублар ўртасидаги жаҳон чемпионати чорак финал учрашувида Мадриднинг “Реал” клуби Дортмунднинг “Боруссия” жамоасини 3:2 ҳисобида мағлуб этди. Бу мадридликлар ярим ҳимоячиси Федерико Вальверде учун муҳим ўйин бўлди.

Madrid Zone маълумотларига кўра, уругвайлик футболчи жорий мавсумда "Реал Мадрид" сафида барча мусобақалар доирасидаги 64-расмий ўйинини ўтказди ва бу Европанинг топ 5 лигаси футболчилари орасида бир мавсумда ўйнаган ўйинлар сони бўйича 21-аср рекордини такрорлади.

Фақат учта ўйинчи шунча ўйин ўтказган: 2009/2010 мавсумда Хосе Хурадо ("Атлетико"), 2012/2013 мавсумда Оскар ("Челси") ва 2012/2013 йилги мавсумда Фернандо Торрес ("Челси").

Кейинги ўйин Вальвердени ушбу кўрсаткич бўйича мутлақ рекордчига айлантиради. Эслатиб ўтамиз, клублар ўртасидаги жаҳон чемпионати ярим финалида "Реал" "ПСЖ" билан ўйнайди.