"Вест Хэм" "Тоттенхэм"дан Муҳаммад Кудус учун 50 миллион фунт стерлинглик таклифни рад этди.
"Шпорлар" таклифни рад этди, аммо музокаралар давом этмоқда, дея хабар беради The Athletic.
Ярим ҳимоячи кетса фақат "Тоттенхэм"га ўтишни ўйламоқда. Футболчи билан шартларни келишиш муаммо бўлиши кутилмайди.
"Челси" ҳам Кудуснинг яқин доиралари билан алоқада бўлиб, бошқа клублар қизиқиш билдирмоқда, аммо "шпорлар" келишувни тезда амалга оширишни истамоқда.
Фабрицио Романонинг сўзларига кўра, Томас Франк ганалик футболчини асосий мақсад сифатида маъқуллаган ва "Тоттенхэм" келаси ҳафта янги таклиф билан чиқмоқчи.
Аввалроқ Кудуснинг шартномасида 85 миллион фунт товон пули борлиги хабар қилинган эди, у июль ойининг биринчи ўн кунлигида Премьер-лига клублари учун амал қилади. Премьер-лиганинг даромадлилик ва барқарорлик қоидаларига риоя қилиш зарурати "Вест Хэм"ни вингерни камроқ пулга сотишга ундаши мумкин.
