"Реал" клуб ТВ орқали турли масалаларга ўз муносабатини билдиришда давом этмоқда. Бу сафар мадридликлар Ла Лига раҳбари Хавьер Тебасни танқид остига олди. Аввалроқ, Тебас клублар ўртасидаги жаҳон чемпионатига қарши чиқиб, турнир бошқа ўтказилмаслиги учун ҳамма нарсани қилишини айтган эди.
"Тебас клублар ўртасидаги жаҳон чемпионати ҳеч кимга қизиқ эмаслигини, у ерда эса Чемпионлар лигасининг ярми йиғилганини айтди. Бу - жаҳон суперчемпионати. Мухлислар учун бепул футбол. Бошқа нарсаларга пул тўлашимиз қийин бўлади," - дейилади дастурда.
"Реал" шу тариқа одамлар Ла Лига ўйинларини кўриш учун пул тўлаши кераклигини таъкидлади.
"Реал" шанба куни клублар ўртасидаги жаҳон чемпионати ярим финалига йўл олди ва у ерда "ПСЖ"га қарши баҳс олиб боради.
