Таниқли инсайдер Фабрицио Романо ҳужумчи Гонсало Гарсиянинг "Реал"даги келажаги ҳақида маълумот берди.
21 ёшли футболчи клублар ўртасидаги жаҳон чемпионатида ажойиб ўйин кўрсатмоқда ва ОАВда ҳужумчига турли клублар қизиқиш билдираётгани ҳақида тинимсиз ёзишмоқда. Романонинг маълум қилишича, "Реал" Гарсиянинг ижараси ёки тўлақонли трансфери бўйича таклифларни кўриб чиқмоқчи эмас. Ҳаммаси "қаймоқранглилар" ёзда истиқболли тарбияланувчини сақлаб қолишларига қараб кетмоқда. Бош мураббий Хаби Алонсо футболчининг ўйинларидан ҳайратда ва уни соғлом Килиан Мбаппе билан ҳам ўз жамоасида кўрмоқда.
Transfermarkt портали мутахассислари Гонсало Гарсиянинг нархини 8 млн еврога баҳоламоқда.
