"Челси" бош мураббийи Энцо Мареска ярим ҳимоячи Мойсес Кайседонинг ўйини ҳақида фикр билдирди.
Эквадорлик футболчи клублар ўртасидаги жаҳон чемпионати 1/4 финалидан ўрин олган "Палмейрас"га қарши ўйинни карточкалари кўпайиб кетгани учун ўтказиб юборди. "Кўклар" қийин ғалабани қўлга киритиб (2:1), ярим финалга йўл олди ва бугун "Флуминенсе"га қарши баҳс олиб боради. Кайседо яна таркибга қайтди.
"Мойсес жуда муҳим, у мавсумнинг энг яхши ўйинчиларидан бири бўлди. Бахтимизга, бизда Ромео Лавия ҳам бор, куни кеча эса Андрей Сантосни жалб қилдик. Мен улардан мамнунман, аммо Кайседо мавжуд бўлса, янада яхши," - деди Мареска матбуот анжуманида.
