"Ал Қодисия" "Аталанта" футболчиси Матео Ретеги бўйича таклифини ошириши керак.

Аввалроқ Саудия Арабистони клуби италияликларга 40 миллион евролик дастлабки таклиф билан чиққани хабар қилинганди.

Инсайдер Фабрицио Романонинг сўзларига кўра, саудияликлар ўз таклифларини 50 миллион евродан оширган. Журналист Альфредо Педулланинг хабар беришича, бу 53 миллион евро эди. Бундан ташқари, форварднинг маош таклифи тўрт йиллик шартнома доирасида мавсум учун 20 миллион еврога кўтарилди (келишувнинг бутун муддати учун 80 миллион).

Бироқ шартнома тузиш учун "Ал Қодисия" "Аталанта" талаб қилаётган 60 миллион евро таклиф қилиши керак. Бонуслар кафолатланган миқдорга қўшилиши мумкин.

Таъкидланишича, ҳужумчи Саудия Арабистонига ўтишга рози ва трансферни ўзи сўраган.

Ўтган мавсумда Матео Ретеги 36 ўйинда 25 та гол уриб, А Сериянинг энг яхши тўпурари бўлди.