"Челси" вингери Педру Нету португалиялик жамоадоши Диого Жота хотирасига Клублар ўртасидаги жаҳон чемпионатида ғолиб чиқишни истаётганини айтди.
Нету АҚШда "Челси" жамоасида ўйнаб юрган бир пайтда, Жота укаси билан Испанияда автоҳалокатда ҳалок бўлди.
Нету ўтган ой Миллатлар лигасида ғолиб чиққан "Бўрилар" ва Португалия терма жамоасида бирга ўйнаган Жота билан яқин муносабатда бўлган ва энди Педру сўнгги ғалабани Диогога бағишламоқчи.
"Сўнгги бир неча кун жуда оғир бўлди ва шуни айтмоқчиманки, бу финал у ва унинг укаси учун.
Бу мен учун жуда оғир вақт. Бу ҳақда гапириш мен учун қийин ва келинг, у учун буни қила оламан деб умид қилайлик.
Мен финални унга ва унинг оиласига бағишламоқчиман, уларга мана шу оғир дамларда қўллаб-қувватлаганимни кўрсатмоқчиман", — деди Нету The Independent билан суҳбатда.
