"Реал" бош мураббийи Хаби Алонсо клублар ўртасидаги жаҳон чемпионати ярим финалида "ПСЖ"дан учралган мағлубият (0:4) ҳақида фикр билдирди.
"Ўйиннинг бошланиши "Реал"га катта таъсир кўрсатди. Рақиб жуда кучли эканини тушуниб, ўйинни ақл билан бошлашни истадик. 10-дақиқага келиб ўйин биз учун жуда мураккаблашиб кетди ва бу ҳали кўп иш қилишимиз кераклигидан дарак беради. Ўтказиб юборилган дастлабки икки гол сиздан кўпроқ нарсани талаб қилади - ўзингизни йўқотиб қўймаслигингиз кераклигини биласиз, чунки рақибингиз жуда юқори даражада. Ўйлашимиз ва бугунги мағлубиятдан сабоқ олишимиз керак бўлган жиҳатлар бор," - дея Алонсонинг сўзларини келтиради ФИФА расмий сайти.
