"Пари Сен-Жермен" бош мураббийи Луис Энрике "Барселона" мухлисларини Мадриднинг "Реал" клуби устидан қозонилган йирик ғалаба (4:0) билан хурсанд қилди.
Учрашув чоршанба куни клублар ўртасидаги жаҳон чемпионатининг ярим финали доирасида бўлиб ўтди. Парижликлар "қаймоқранглилар"га ҳеч қандай имконият қолдирмади ва финалга йўл олди, у ерда "Челси" билан тўқнаш келади.
"Бугунги ўйиндан кейин "Барселона" мухлисларининг табрикларидан телефоним портлаб кетяпти!" - дея тан олди матбуот анжуманида Франция грандининг бош мураббийи.
Луис Энрике 2014 йилдан 2017 йилгача "Барселона"да ишлаган ва аввалроқ футболчи сифатида ҳам жамоада ўйнаган. Дарвоқе, испаниялик ўз вақтида "Реал"да ҳам ўйнаган.
