Мадриднинг "Реал" клуби ярим ҳимоячиси Жуд Беллингем яқин орада энди майдонга туша олмайди.
Чоршанба куни "қаймоқранглилар" клублар ўртасидаги жаҳон чемпионати ярим финалида "ПСЖ"га йирик ҳисобда мағлуб бўлди (0:4) ва турнирдаги иштирокини якунлади. Шу тариқа, Мадрид гранди учун 2024/25 йилги мавсум якунига етди. Кутилганидек, мавсум тугагач, Беллингемнинг елкасидан операция қилинади. Madrid Zone хабарига кўра, жарроҳлик амалиётидан кейин инглизнинг тикланиши уч ойдан тўрт ойгача давом этади.
Жуд Беллингем анчадан бери елкасида ноқулайлик сезади, шунинг учун, яқинда ўзи тан олганидек, муаммони операция йўли билан тезроқ ҳал қилишни хоҳлайди.
19 август куни "Реал" Ла Лиганинг янги мавсумидаги илк ўйинини ўтказиши режалаштирилган.
