"Челси"нинг қанот ҳужумчиси Нони Мадуэке "Арсенал"га ўтишга яқинлашмоқда. Инсайдер Николо Скиранинг маълум қилишича, 23 ёшли футболчи "Арсенал" билан 2030 йилгача бўлган шахсий шартнома шартларини келишиб олган.
Бироқ, клублар ҳали ўзаро келишувга эришмаган, чунки "тўпчилар"нинг 45 миллион евро ва қўшимча бонуслар таклифи "кўклар"ни қониқтирмаяпти.
Манбанинг хабар беришича, "Челси" 65 миллион сўрамоқда, шундан сўнг клуб трансферга розилик беришга тайёр.
Клублар ўртасидаги жаҳон чемпионатида Мадуэке бешта ўйинда иштирок этди, аммо бирорта ҳам самарали ҳаракатни қайд этмади.
Умуман олганда, қанот ҳужумчиси мавсумда 46 та учрашувда 11 та гол урди ва 5 та голли узатма бажарди.
