Швейцария терма жамоаси ва Бельгиянинг "Брюгге" клуби ярим ҳимоячиси Ардон Яшари "Интер"га ўтишдан бош тортди. Инсайдер Саша Тавольерининг ижтимоий тармоқлар орқали маълум қилишича, 22 ёшли ҳимоячи фаолиятини "Милан"да давом эттирмоқчи.
Ардон Бельгия клубида ўтган йилнинг июль ойидан буён тўп тепиб келмоқда. Томонлар ўртасидаги амалдаги меҳнат шартномасининг муддати 2029 йил июнь ойи охирида тугайди. Футболчининг бозор нархи 32 миллион еврога баҳоланмоқда.
Бельгия олий дивизионининг ўтган мавсумида ярим ҳимоячи 35 та ўйинда майдонга тушди. Яшари 3 та гол ва 4 та ассистни ўз ҳисобига ёздириб қўйди.
