"Тоттенхэм" марказий ҳимоячиси Кристиан Ромеро ёзда клубни тарк этиши даргумон.
Турли манбалар аргентиналик футболчининг Мадриднинг "Атлетико" клубига ўтиши яқинлиги ҳақида бир неча бор хабар берган, аммо "матрасчилар" барибир "шпорлар" билан битим шартлари бўйича келиша олмаган. Нуфузли инсайдер Фабрицио Романонинг маълум қилишича, 27 ёшли футболчи ҳозирги трансфер ойнасида кутилмаган воқеалар юз бермаса, ҳеч қаерга кетмайди.
Transfermarkt экспертлари Кристиан Ромеронинг нархини 50 млн еврога баҳоламоқда. Футболчининг Лондон клуби билан амалдаги меҳнат шартномаси 2027 йилнинг ярмигача мўлжалланган.
