Ҳужумчи Марко Арнаутовичнинг собиқ агенти Роб Грёйнер серб миллатига мансуб австриялик футболчини жуда қадрлайди. У ўз фазилатлари билан афсонавий Златан Ибраҳимовичдан қолишмайди, деб ҳисоблайди.
"Марко ҳеч кимдан қўрқмайди, у ўзидан ишонч таратиб туради ва буни майдондаги бошқа футболчилар ҳам ҳис қилишади. У - ўзига хос ўйинчи. Менимча, у Ибраҳимовичдан қолишмайди. Улар ўртасида кўплаб ўхшашликлар бор," - дея агентнинг сўзларини келтиради pianetamilan.it.
Эслатиб ўтамиз, Марко Арнаутович миланликлар сафида икки йиллик фаолиятидан сўнг "Интер" билан хайрлашган эди. Унинг таркибида у 2024 йилда Италия чемпиони бўлди.
