"Барселона" яримҳимоячиси Рафаэль Алькантара билан шартномасини узайтириш борасида келишиб олди. Бу ҳақда клуб расмий сайти орқали маълум қилган.
20 ёшли хавбек эндиликда каталонияликлар сафида 2016 йилнинг 30 июнига қадар тўп суради. Ушбу вақт давомида уни ҳарид қилишни истаганлар 30 миллион евро тўлашларига тўғри келади.
Аввалроқ футболчи янги мавсумдан асосий жамоага қўшилиши ҳақида хабар берилганди.
Қайд этиш жоиз, ўтган мавсум Рафаэль "Барселона Б" таркибида Сегунданинг 36 ўйинида майдонга тушди ва 10 гол уришга муваффақ бўлди.













