Қатарликлар Англия 6-лигасининг "Дагенхэм" клубини сотиб олиб, Энди Кэрроллни ўз сафига қўшиб олди.
Қатарлик хусусий инвесторлар консорциуми "Дагенхэм" футбол клубини сотиб олиш бўйича келишувга эришди. Бу ҳақдаги хабар кеча Англиянинг 6-дивизионида иштирок этувчи клуб сайтида пайдо бўлди.
Битимни якунлаш учун Англия футбол ассоциацияси ва Миллий лига розилигини олиш қолди.
Ўша куннинг ўзида клуб Энди Кэрроллнинг трансферини эълон қилди. 36 ёшли ҳужумчи ўтган ойда Франция 4-лигасида ўйнаган "Бордо"ни тарк этганди.













