Габонлик ҳужумчи Пьер-Эмерик Обамеянг "Марсел"га қайтиши мумкин. Инсайдер Фабрицио Романо хабарига кўра, Прованс клуби 36 ёшли ҳужумчига икки йиллик шартнома таклиф қилишга тайёр.
Африкалик футболчи ҳозирда Саудия Арабистони чемпионатида “Ал-Қодисия” сафида тўп тепмоқда. Ўтган мавсумда Обамеянг 36 ўйинда майдонга тушиб, 21 гол ва 3 голга ассистентлик қилган.
Эслатиб ўтамиз, Пьер-Эмерик аллақачон "Марсел"да ўйнаган. Ҳужумчи 2023 йилдан 2024 йилгача Франция жамоаси шарафини ҳимоя қилган. Футболчининг трансфер қиймати 3,5 миллион еврога баҳоланмоқда.
