«Динамо» жамоаси бугун, 14 июлдан мавсумнинг иккинчи қисмига тайёргарликни бошлайди.
Самарқандликлар душанба тонгида Тошкентдан Минск шаҳрига жўнаб кетди. Вадим Абрамов шогирдлари ёзги танаффусда Беларус пойтахти Минск шаҳрида ўқув-машғулот йиғинини ўтказади.
Хориж йиғини доирасида Самарқанд жамоаси 4та ўртоқлик учрашувида майдонга тушиши кўзланган. Рақиб жамоалар ва назорат ўйинлари санаси ҳақида маълумот берилади. «Динамо» 12 кунлик йиғиндан 26 июл куни қайтади.
Маълумот учун, «Динамо» Суперлига 2-даврасининг дастлабки ўйинида 2 август куни Самарқандда «Навбаҳор»ни қабул қилади.
