"Манчестер Юнайтед" дарвозабони Андре Онана инглиз клубида асосий дарвозабон бўлиб қолади. Бу ҳақда iNews нашри хабар бермоқда. Манкунианликлар раҳбарияти кучайтирилиши керак бўлган позициялар бор, шунинг учун янги дарвозабон сотиб олиш учун катта маблағ сарфламайди, деб ҳисобламоқда.
Шу билан бирга, "МЮ" "Астон Вилла" дарвозабони Эмилиано Мартинес номзодини кўриб чиқишда давом этмоқда.
Эслатиб ўтамиз, аввалроқ камерунлик тизза ости пайидан жароҳат олганди. Ўтган мавсумда Онана барча мусобақаларда 50 та ўйинда майдонга тушиб, уларнинг 11 тасида дарвозасини дахлсиз сақлаб қолган. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган.
