ОАВ хабарига кўра, “Ювентус” ҳужумчиси Душан Влахович Англия премьер-лигасига ўтишдан воз кечиб, “Милан”га ўтишни афзал кўрмоқда.
Аввалроқ серб футболчисини “Манчестер Юнайтед”, “Челси” ва “Арсенал” клублари билан боғлашган эди. Влаховичнинг “Ювентус” билан тузган шартномаси 2026 йил ёзигача амал қилади. Transfermarkt портали маълумотларига кўра, унинг бозор қиймати 35 миллион еврога тенг.
Душан Влахович “Ювентус”га “Фиорентина”дан келиб қўшилган. Ўтган мавсумда у 44 та ўйинда майдонга тушиб, 17 та гол ва 5 та голли узатмани ўз ҳисобига ёздириб қўйган.













