"Фиорентина" ҳужумчиси Мойзе Кин клубни тарк этиши ҳақидаги маълумотларга изоҳ берди.
25 ёшли футболчига "Манчестер Юнайтед" ва Саудия Арабистони чемпионати вакиллари қизиқиш билдирмоқда, аммо форварднинг ўзи кетишга шошилмаяпти.
"Мен жуда мотивацияга тўламан ва бу ерда ўйнашни давом эттиришга қарор қилдим. "Фиорентина" менга кўп нарса берди, қийин дамларда ёрдам берди, янги мавсумни янги мотивация билан бошлашдан хурсандман ва клуб учун боримни беришга тайёрман," - дея Кин сўзларини келтирмоқда Италия ОАВ.
Ўтган мавсумда "бинафшаранглилар" ҳужум чизиғи етакчиси 44 та ўйинда 25 та гол ва 3 та ассистни ўз ҳисобига ёздириб қўйди.
