Германиялик мутахассис Йоахим Лёв бир нечта таклифлар олганини ва уларни кўриб чиқаётганини маълум қилди.
"Сўнгги бир-икки ҳафта ичида менга мурожаат қилиб, суҳбатга тайёрлигим ва келишувдан манфаатдорлигимни сўрашди. Ҳозирда бу таклифларни ўйлаб кўряпман ва бу жамоалар ҳақида маълумот тўплаяпман. Эҳтимол, кейинги босқичда ҳамкорлигимиз самарали бўлиши мумкинлигини аниқлаш учун масъуллар билан учрашувлар ўтказарман", - деди 65 ёшли мураббий.
Илгари хабар қилинганидек, Лёв билан Ўзбекистон футбол ассоциацияси музокаралар олиб бораётган эди. Мутахассиснинг ўзи 17 йил давомида Германия терма жамоасида ишлаган. Жаҳон чемпионатида ғалаба қозонган. Бироқ 2021 йилда бундестимни тарк этганидан бери, мураббийлик фаолияти билан шуғулланмаган.
