"Лейпциг" ярим ҳимоячи Андрей Максимович билан шартнома имзолади.
18 ёшли футболчи немис клубига "Црвена Звезда"дан келиб қўшилди. Унинг янги шартномаси 2030 йилнинг 30 июнига қадар амал қилади.
Ҳужумкор ярим ҳимоячи 16 ёшида Сербияда профессионал дебют қилди. 17 ёшида у Чемпионлар лигасида, шунингдек, Сербия терма жамоасида илк бор майдонга тушди.
Умуман олганда, футболчи Сербия олий дивизионида 20 та учрашув (3 та гол ва 5 та голли узатма), Чемпионлар лигасида 7 та ўйин ва терма жамоа сафида 8 та ўйин ўтказган.
Максимович "Лейпциг"да 33-рақам остида ўйнайди.
