18 июль куни "Челси"дан "Арсенал"га ўтган 23 ёшли ўнг қанот вингери Нони Мадуэке воқеа юзасидан изоҳ берди.
"Мен йигитларга кейинги қадамни қўйишда максимал даражада ёрдам бериш имкониятини интиқлик билан кутмоқдаман. Биз иштирок этаётган барча турнирларда ғалаба қозонмоқчимиз. Биз бунга сўзсиз қодирмиз," - дея футболчининг сўзларини келтиради "канонирлар" расмий сайти.
Шунингдек, Мадуэке бир қатор жамоадошлари билан суҳбатлашишга ҳам улгурганини таъкидлади.
"Уларнинг барчаси жамоа ҳақида, шунингдек, ундаги оилавий муҳит ҳақида ажойиб нарсаларни айтиб беришди. "Арсенал" оиласининг бир қисми бўлганимдан жуда хурсандман", - деди Мадуэке.
