"Интер"нинг собиқ ҳужумчиси Марко Арнаутович фаолиятини Сербияда давом эттиради. Mozzart Sport хабарига кўра, 36 ёшли австриялик футболчи "Црвена Звезда" билан музокаралар олиб бормоқда, улар футболчига 2 йиллик шартнома таклиф қилишган.
1 июль куни Арнаутович "Интер" билан шартномаси тугаганидан кейин эркин агентга айланди. Ҳужумчи бунгача "Болонья", "Вест Хэм", "Сток Сити", "Вердер" ва "Твенте" клубларида тўп тепган.
2024/25 йилги мавсумда Арнаутович барча мусобақаларда 28 та ўйинда майдонга тушиб, 7 та гол урди ва 2 та голли узатмани амалга оширди.
