"Наполи" ва "Галатасарой" Виктор Осимхен трансферини ёпишга яқин турибди.
Клублар келишув тафсилотларини муҳокама қилишни якунламоқда, дея хабар бермоқда инсайдер Фабрицио Романо.
Аввалроқ маълум бўлганидек, форвард учун 40 млн евро ҳозир, яна 35 млн евро 2026 йил охиригача тўланади.
Шартномага футболчини кейинги икки йил ичида Италия клубларига сотганлик учун жарима қўллаш банди киритилади.
Томонлар нигерияликни қайта сотишнинг фақатгина фоизини келишиб олишлари қолди, деб таъкидлайди Романо.
Осимхен ўтган мавсум "Галатасарой" сафида ижара асосида тўп тепган эди. У Туркия чемпионати доирасида 30 та ўйинда майдонга тушиб, 26 та гол ва 5 та голли узатмага муаллифлик қилган.
