"Челси" ҳужумчиси Николас Жексон "Манчестер Юнайтед" эътиборида қолмоқда.

Бу ёзда Лондон клуби ҳужумчилар Лиам Делап ва Жоао Педро билан шартнома имзолаганди, шу боис 24 ёшли сенегалликнинг сотилиши эҳтимолдан холи эмас. Инсайдер Фабрицио Романонинг ёзишича, "Челси" вакиллари "Манчестер Юнайтед"га Жексонга қўйиладиган талаблар ҳақида маълумот берган. "Қизил иблислар" футболчи номзодини муҳокама қилишда давом этмоқда, аммо ҳозирги таркибдан кимнидир сотмагунча, аниқ музокараларни бошлаши даргумон.

Transfermarkt экспертлари Николас Жексоннинг нархини 50 млн еврога баҳоламоқда. 2024/25-йилги мавсумда футболчи 37 та ўйинда майдонга тушиб, 13 та гол ва олтита голли узатмани ўз ҳисобига ёздириб қўйди.