Альваро Каррерас "Реал" собиқ футболчилари Марсело ва Роберто Карлосни ўзига намуна қилиб олганини маълум қилди.
Яқинда "Мадрид" клуби 22 ёшли испаниялик футболчини "Бенфика"дан 50 миллион еврога қайтариб олди.
"Айтишим мумкинки, улар иккаласи ҳам мени кўп йиллар давомида руҳлантирган. Мен бу ерда уч йил бўлганман ва Марселонинг ўйинини жонли томоша қилиш имкониятига эга бўлдим, бу мен учун ҳақиқий завқ эди.
Ундан олдин бу ерда Роберто Карлос ўйнаган, бу жуда ажойиб эди. Улар иккиси ҳам мен учун намуна ҳисобланади," - деди "Реал"нинг чап қанот ҳимоячиси.
