Alvaro Karreras "Real" sobiq futbolchilari Marselo va Roberto Karlosni o‘ziga namuna qilib olganini ma’lum qildi.
Yaqinda "Madrid" klubi 22 yoshli ispaniyalik futbolchini "Benfika"dan 50 million yevroga qaytarib oldi.
"Aytishim mumkinki, ular ikkalasi ham meni ko‘p yillar davomida ruhlantirgan. Men bu yerda uch yil bo‘lganman va Marseloning o‘yinini jonli tomosha qilish imkoniyatiga ega bo‘ldim, bu men uchun haqiqiy zavq edi.
Undan oldin bu yerda Roberto Karlos o‘ynagan, bu juda ajoyib edi. Ular ikkisi ham men uchun namuna hisoblanadi," - dedi "Real"ning chap qanot himoyachisi.
