"Астон Вилла" ҳужумчиси Олли Уоткинс манкунианликлар вингери Алехандро Гарначо трансфери доирасида "Манчестер Юнайтед"га ўтиши мумкин. Бу ҳақда Manchester Evening News хабар бермоқда.
Манбага кўра, аввалроқ "қизил иблислар" 21 ёшли футболчини 70 млн фунтга баҳолаган, аммо аргентиналик футболчини клубдаги мавқеини инобатга олсак, бирор жамоа уни бу суммага сотиб олиши даргумон.
Ўтган мавсумда Гарначо барча мусобақаларда 58 та ўйинда майдонга тушиб, 11 та гол ва 10 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 45 млн еврони ташкил этади.
