"Ливерпуль" ҳужум чизиғини кучайтириш устида иш олиб бормоқда ва клуб ҳозирда "Ньюкасл" форварди Александр Исакка қизиқиш билдирмоқда. Мерсисайдликлар 25 ёшли Исак учун 120 миллион фунт (тахминан 138 миллион евро) таклиф қилган. Бироқ, "ҳаккалар" рад жавобини беришди, чунки улар шведни ўз сафларида сақлаб қолишни қатъий хоҳлашади.
Daily Express хабарига кўра, Исак трансферни талаб қилмайди, аммо у клубнинг ҳаракатларидан норози. "Ньюкасл" "Ливерпуль" таклифини нафақат рад этди, балки унинг маошини ҳам оширгани йўқ - шартномани узайтириш бўйича музокаралар боши берк кўчага кириб қолди. Аввалроқ Исакка ҳафтасига 130 минг фунтга катта устама ваъда қилинган эди.
