"Ливерпуль" ҳужумчиси Дарвин Нуньес фаолиятини Саудия Арабистонида давом эттиришга қизиқмоқда.
"Қизиллар"нинг уругвайлик футболчи бўйича сўровини ҳозирча Европанинг ҳеч бир клуби қондира олмади, бироқ тез орада пойгага Саудия Арабистони чемпионати вакиллари қайтади - ҳужумчининг ўзини Яқин Шарққа кетиш истиқболи ўзига жалб қилмоқда, деб ёзади журналист Дэвид Линч. Футболчи қишки трансфер ойнасида "Ливерпуль" уни Саудия Арабистонига қўйиб юбормаганидан норози бўлган.
Дарвин Нуньесга асосий даъвогарлардан бири "Ал-Ҳилол" ҳисобланади. Яқингача 26 ёшли футболчи учун баҳсда Италиянинг "Наполи" клуби фаворит сифатида тилга олинарди.
