Яқинда клублар ўртасидаги жаҳон чемпионати якунига етди. Финалнинг асосий фаворити "ПСЖ" эди, бироқ "Челси" кутилмаган натижа кўрсатди. Энцо Мареска жамоаси 3:0 ҳисобида ғалаба қозонди ва барча голлар танаффусга қадар киритилди.
The Times нашрининг хабар беришича, финал арафасидаги ФИФА кечки зиёфатида "ПСЖ"нинг бир неча вакиллари совринни қандай ва қаерда олишлари ҳақида ўйлашган. "Челси" вакиллари бу ҳақда жамоа бош мураббийи Энцо Марескага маълум қилишган, у эса ўз навбатида бу маълумотни футболчиларга етказган.
Агар ҳақиқатан ҳам шундай бўлган бўлса, "Челси" футболчилари майдонга қўшимча мотивация билан тушишгани аниқ.
