Чап қанот вингери Луис Диас 75 миллион евро эвазига "Ливерпуль"дан "Бавария"га ўтишга яқин турибди, дея хабар бермоқда инсайдер Николо Скира.
Манбага кўра, 28 ёшли колумбиялик футболчи билан 2030 йилгача мўлжалланган шартнома бўйича принципиал келишувга эришилган.
Диас 2022 йилнинг январидан бери инглиз клубида ўйнаб келмоқда. У "Порту"дан 54 миллион еврога сотиб олинганди. Унинг шартномаси 2027 йилнинг 30 июнига қадар мўлжалланган бўлиб, Transfermarkt портали уни 70 млн еврога баҳоламоқда.
Ўтган мавсумда Луис клуб сафида 50 та ўйинда 17 та гол ва 5 та голли узатмага муаллифлик қилган.
