"Байер" жорий трансфер ойнасида футболчилар учун харажатлар бўйича Бундеслига жамоалари рўйхатини бошқарди. Бу ҳақда "Transfermarkt" портали эълон қилган маълумотларда келтирилган.

Манбага кўра, "Байер"нинг харажатлари 101,75 миллион еврога тенг. Жамоанинг харидлари орасида ҳужумкор ярим ҳимоячи Малик Тилльман ва марказий ҳимоячи Жарелл Куанса каби футболчилар бор.

Иккинчи ўрин 92 миллион евролик ўйинчилар олган "РБ Лейпциг" клубига насиб этди.

Кучли учликни 57,25 миллион евро сарфлаган "Боруссия" якунлаб берди. Шунингдек, кучли ўнликдан "Волфсбург" (37,15 миллион), "Фрайбург" (32,7 миллион), Франкфуртнинг "Айнтрахт" (31,6 миллион), "Штутгарт" (18 миллион), "Аугсбург" (14,7 миллион), "Хоффенхайм" (13,75 миллион) ва "Унион" (13,4 миллион) клублари жой олган.