15 июлга қадар Рональд Араухони "Барселона"дан 65 миллион еврога сотиб олиш мумкин эди. Бу имкониятдан фойдаланишни хоҳловчилар топилмади ва уругвайликларнинг товон пули яна 1 миллиардга кўтарилди.
Transfer News Live нашрининг El Nacional'га таяниб хабар беришича, "Барселона" ҳали ҳам Араухони сотишга тайёр. Каталонияликлар 40 миллион евродан юқори бўлган таклифларни кўриб чиқишга тайёр. 26 ёшли Араухога Саудия Арабистони клублари қизиқиш билдирмоқда. Шу билан бирга Рональднинг ўзи "Барселона"да қолишни истамоқда.
Рональд Араухо "Барселона" сафида жами 175 та расмий ўйин ўтказиб, 10 та гол урган ва шерикларига 7 та голли узатмани амалга оширган.
